BASES DO XX CERTAME LITERARIO VEDRUNA

Creada por el
1º Poderán participar alumnado de 1º, 2º e 3º ESO 2º O tema non se fará público ata o mesmo día en que se celebre o Certame. 3º Os traballos han de ser orixinais e inéditos, escritos en Lingua Castelá ou en Lingua Galega, en prosa (que poderá adoptar forma de carta, relato curto, conto, ...) ou en verso. 4º Presentaranse manuscritos, con letra perfectamente lexible, en follas de tamaño folio e por unha soa cara. 5º Os traballos realizaranse na propia aula, en folios selados, o día 2 de febreiro, de 9:30 a 11:30 h. 6º Asinaranse cun pseudónimo e irán grampados a un sobre pechado no que figuren os datos do concursante. 7º Valorarase a beleza de forma e a riqueza de contido. 8º O xurado estará composto por profesores do Departamento de Lengua / Lingua e membros da Asociación de Nais e Pais do Colexio (ANPA). 9º A decisión do xurado será dada a coñecer o día 11 de febreiro. 10º O premio poderá ser declarado deserto no caso de que o xurado así o estime, e a decisión será inapelable. 11º Pre...

IV CERTAMEN LITERARIO DE CARTAS DE AMOR

Creada por el


BASES DO IV CERTAMEN LITERARIO "CARTAS DE AMOR"

     A Concellería de Educación do Excmo. Concello de Ourense, convoca o IV Certame de cartas de Amor, de acordo coas seguintes bases:


1. Poderá participar o alumnado de  1º ESO do Concello de Ourense.

2. Os temas das cartas serán o AMOR ou o DESAMOR e irán dirixidas a persoas, lugares, animais ou obxectos personificados.

3. As cartas deberán estar escritas en prosa, en lingua galega ou castelá.

4. Extensión: un mínimo de 15 liñas e máximo de 40.

5. Os traballos deberán estar manuscritos, ser inéditos, en xénero epistolar, respectando a forma dunha carta.

6. Avaliarase a creatividade, a orixinalidade, a capacidade para transmitir emocións así como a ortografía e presentación.

7. Como máximo presentarase unha carta por participante.

8. As cartas deberanse presentar por rexistro xeral do Concello de Ourense(Praza Maior 1, 32005 Ourense) cubrindo unha instancia de procedementos xerais, indicando:

· No apartado de "DATOS PERSOAIS", os datos do centro escolar.

· No apartado "SOLICITO" a relación de traballos presentados para o: “IV Certame de Cartas de Amor do Concello de Ourense”. Concellería de Educación.

Cada carta deberase asinar cun pseudónimo e entregarase nun sobre pechado no que figure ese mesmo pseudónimo e no interior, noutro sobre, os datos persoais do autor/a (Nome e apelidos, centro de ensino, profesor/a, curso, enderezo, teléfono e correo electrónico).

9. O prazo de admisión quedará pechado o venres 1 de febreiro de 2018, ás 14h.

10. O xurado estará formado por profesores/as e persoal da Concellería de Educación.

11. Establécense dous premios: Un primeiro premio será un bolígrafo intelixente e un lote de libros e o segundo premio un lote de libros.

12. O fallo do xurado será inapelable, quedando tamén facultado para resolver calquera incidencia que puidera producirse e que non estivera contemplada nas presentes bases.

13. O Certame pode ser declarado deserto.

14. O Concello de Ourense resérvase o dereito a divulgar, total ou parcialmente, difundir e publicar as cartas, sen limitación de tempo nin restrición nas súas formas de presentación.

15. Toda a información do certame estará colgada na web da Concellería de Educación (www.educacionourense.com).

Para contactar co Servizo de Educación dispón das seguintes canles: por teléfono (988 388 145) ou por correo electrónico (educa.programas2@ourense.es).