Neira Vilas recibe o premio ‘Otero Pedrayo’ pola súa traxectoria como“activista literario”

O xoves, día 9 de outubro de 2014, o famoso escritor e académico galego, Neira Vilas recibiu o prestixioso premio Otero Pedrayo nun acto solemne celebrado no Salón de Plenos da Deputación Provincial de Pontevedra.

 Escritor comprometido co seu país e a súa  literatura, amante da terra galega e a súa lingua, galeguista e universal... así se definiu ao homenaxeado, un dos máis importantes escritores galegos de todos os tempos. 

O  presidente galego presidiu a ceremonia de entrega, no que interviron por orde de actuación, Xesús Alonso Montero, Presidente da Real Academia Galega; o premiado, Xosé Neira Vilas; o Presidente da Deputación, Rafael Louzán Abal e finalmente, o Presidente da Xunta de Galicia, Xosé Núñez Feixoo. No intermedio e ao final  houbo unha actuación musical na que se versionaron poemas de Otero Pedrayo e de Xosé Díaz Castro. Todos eles ovacionaron o autor de Memorias dun neno labrego, no que o presidente de la RAG calificou dun "acto de justicia".

No seu discurso, o premiado  fixo un canto de loanza a D. Ramón Otero Pedrayo, patriarca das Letras Galegas, extraordinario intelectual, profesor, escritor e subliñou varias veces a expresión "home de ben, un galego bo e xeneroso". Tivo en conta á emigración galega, cancro da nosa terra, na liña de Rosalía quen se laia da miserenta vida dos emigrados e das súas tristes consecuencias: despoboación da terra, o deixar orfos de pais vivos a tantos nenos e mozos. Otero Pedrayo comparte os laídos rosaliáns e rexeita ese éndemico mal da Nosa Terra. Otero Pedrayo foi homenaxeado pola diáspora galega en América, a onde viaxou varias veces. Mantivo unha relación de amizade con Neira Vilas, a quen se dirixe en varias ocasións como irmán, na liña das Irmandades da Fala.